होरी खेलन आयो मौसौं

होरी खेलन  आयो  मौसौं...होरी खेलन  आयो  मौसौं
लटपटी पाग  अटपटे   पेचन   नैनन   बीच   सुहायो   मौसौं ।। १ ।।

डगर डगर में बगर बगर र्में  सब   हिनके   मन भायो मोहन  ।
आनंदघन प्रभु कर दृग मिडत, हंस हंस कंठ लगायो  मौसौं  ।। २ ।।

तुम छके छेल से डोलो

तुम छके छेल से डोलो ।
मन   मोहन   तुम   रात्या   मात्या    जी   चाहे   सोई   बोलो ।। १ ।।

अनत जाय तुम धूम मचावो हमरे बगर,  तुम कबहु न आवो ।
रहे   कहां    ब्रज    मोहन   प्यारे,    गढ़    गढ़   बतिया बोलो ।। २ ।।

जानी    मोहन    रीत    तिहारी,    कपट   गांठ   नहीं   खोलो ।
आनंद   घन     होरी के     ओसर   को   करी    राखों    ओलो ।। ३ ।।