ધનતેરસનું પદ : ધનતેરસ દિન અતિ સુખદા

ધનતેરસ દિન અતિ સુખદાઈ |

રાધા મન અતિ મોદ બઢ્યો હૈ મનમોહન ધન પાઈ || ૧ ||

રાખત પ્રીતિ સહિત હૃદયમેં ગુરુજન લાજ વહાઈ |

દ્વારકેશ પ્રભુ રસિક લાડીલી નિરખ નિરખ મન ભાઈ || ૨ ||

રૂપ ચતુર્દશી - અભ્યન્ગનું પદ

ન્હ્વાવત સુતકો નંદરાની |

માનત પર્વ રૂપચૌદસકો તિલક ઉવટનો કર હરખાની || ૧ ||

વસ્ત્ર લાલ જરી આભૂષણ પહરાવત રુચિસોં મનમાની |

મેવા લે ચલે ગાય સિંગારન વ્રજજન દેખદેખ વિહંસાની || ૨ ||

આજ દિવારી મંગલ ચાર |

વ્રજ યુવતી મિલ મંગલ ગાવત ચોક પુરાવત આંગન દ્વાર || ૧ ||

મધુ મેવા પકવાન મીઠાઈ ભરી ભરી લીને કંચન થાર |

પરમાનંદદાસકો ઠાકુર પહેરે આભૂષણ સિંગાર || ૨ ||

શ્રી ગોવર્ધ્ધન દીપમાલિકા સબ દેખનકો આયે |

અરસપરસ વ્યંજન કરકે સબ બ્રજવાસી પૂજનકો ધાયે || ૧ ||

તબ નંદ ઉપનંદ બુલાયે બ્રજવાસી સબહી પહરાયે |

કુંભનદાસ લાલ ગીરીધરને સબ વ્રજ્જનકે હિયે સિરાયે || ૨ ||