ફૂલના હિંડોળાનું પદ

ફૂલનકો હિંડોરો ફૂલનકી ડોરી, ફૂલે નંદલાલ ફૂલી નવલકિશોરી;
ફૂલનકે ખંભ દોઉ ડાંડી ફૂલનકી, પટુલી બૈઠે દોઉ એક જોરી (૧)

ફૂલે સઘન વન ફૂલે નવકુંજન, ફૂલી ફૂલી યમુના ચઢત હિલોરી;
ચતુર્ભુજ પ્રભુ ફૂલે નિપટ કાલિંદી કૂલે, ફૂલી ભામિની દેત અકોરી (૨)

ભાવાર્થઃ

યુગલ સ્વરૂપ ફૂલના હિંડોળામાં ઝૂલે છે. સખીઓ ઝૂલાવે છે. હિંડોળો ફૂલોથી સુંદર રીતે સજાવ્યો છે. ઝુલાવવા માટેની દોરી પણ ફૂલોથી ગૂંથી છે.

હિંડોળામાં બિરાજમાન નંદલાલ શ્રીકૃષ્ણ અને નવલ કિશોરી રાધા બંને ફૂલ્યાં સમાતા નથી. પ્રસન્નતાથી ઝૂલી રહ્યાં છે. હિંડોળાના બે ખંભ અને ચાર દાંડી ઉપર ફૂલપાનથી વેલની સુંદર ભાત પાડી છે. વચ્ચે પટુલી ઉપર યુગલ સ્વરૂપ બિરાજે છે અને એકબીજા સાથે ઝૂલવાનો આનંદ લઈ રહ્યાં છે.

વર્ષાઋતુના મનભાવન દિવસો છે. ચોમેર સઘન વન પુષ્પોથી મહેકી રહ્યાં છે. નવીન કુંજોમાં સુગંધિત પુષ્પો ખીલી રહ્યાં છે. પ્રભુને આવા સુંદર, સુગંધયુક્ત વાતાવરણમાં શ્રીયમુનાજીના કિનારે ફૂલહિંડોળામાં સખીઓ ઝૂલાવી રહી છે ત્યારે શ્રીયમુનાજી પણ જાણે પ્રભુનાં દર્શન કરવા માટે આનંદપૂર્વક હિલોળા લઈને ઉપર ચઢી રહ્યાં છે.

યમુનાજીના કિનારે આ હિંડોળાની નજીક ઊભા રહીને દર્શન કરી રહેલ ચતુર્ભુજદાસજી કહે છે કે નંદનંદન શ્રીઠાકોરજી અને ભામિની રાધા બંને જણ આનંદપૂર્વક કિલકારી કરતાં હિંડોળે ઝૂલે છે ત્યારે એ દર્શનનો આનંદ હું પણ લઈ રહ્યો છું.

ચતુર્ભુજદાસજી આ કીર્તનમાં પ્રભુની હિંડોળા લીલાનું વર્ણન કરી આપણને પણ હિંડોળે ઝૂલતાં યુગલ સ્વરૂપનાં દર્શન કરાવી રહ્યા છે. વર્ષાઋતુના આહ​લાદક દિવસોમાં આપણા પ્રભુને આપણે ફૂલોથી સજાવેલા હિંડોળામાં ઝૂલાવીએ અને ઝૂલાવવાનો, કીર્તન ગાવાનો તેમજ દર્શન કરવાનો આનંદ લઈએ.

हिंडोरेतें उतरे लाल विहारी

हिंडोरेतें उतरे लाल विहारी |
 रमकनि ठमकनि उतरि राधिका कोटि चंद उजियारी || १ ||
गोपीजन सब पाय परत हैं राई लोन उतारी |
कर मुरली ले बेनु बजावत गोकुल चले हैं मुरारी || २ ||
जैजैकार ब्रह्मादिक बोले पुष्पन-वृष्टि कराई |
परमानंददास को ठाकुर व्रजजन के सुखदाई || ३ ||

तेसोई वृन्दावन तेसीये हरित

तेसोई वृन्दावन तेसीये हरित भूमि तेसीये वीरवधू चलत सुहाई माई ।
तेसेई कोकिला कल कुहू कुहू कूजत तेसेई नाचत मोर नयना सुखदाई ।। १ ।।

तेसी नवरंग नवरंग बनी जोरी तेसेई गावत राग मल्हार तान मन भाई ।
गोविंदप्रभु सुरंग हिंडोरें झूलें फूलें आछे रंगभरे चहुँदिशतें घटा जुरी आई ।। २ ।।

हिंडोरें राजत रंगरंगीलो

हिंडोरें राजत रंगरंगीलो ।
ता ऊपर झूलत व्रज भामिनी श्री नंदलाल छबीलो ।। 1 ।।

शीश मुकुट ओढें पियरोपट पियत्रिय अंबरझीने ।
गावत राग मल्हार मुदित मन अधिक मधुर स्वर लीने ।। 2 ।।

गरजे घनसे चपला चातक टेरत प्रेम हठीलो ।
श्री विठ्ठलगिरिधारी कृपानिधि रसिकराय रसीलो ।। 3 ।।

खेलत फाग फिरत रस फूले

खेलत फाग फिरत रस फूले।
स्यामा स्याम प्रेम बस नाचत गावत सुरंग हिंडोरे झूले॥१॥

वृंदावन की जीवन दोऊ नटनागर बंसी बट कूले।
व्यास स्वामिनी की छबि निरखत नैन कुरंग फिरत रसमूले॥२॥

जुलन के दीन आये

जुलन के दीन आये,
हिंडोरे माई जूलन के दीन आये।
गरजत गगन, दामिनी कोंधत,
राग मल्हार जमाये ॥१॥

कंचन खंभ सुढार बनाए,
बीचबीच हीरा लाए ।
डांडी चार सुदेश सुहाई,
चोकी हेम जराये ॥२॥

नाना विधिके कुसुम मनोहर,
मोतीन जुमक छाए ।
मधुर मधुर ध्वनि वेणु बजावत,
दादुर मोर जिवाये ॥३॥

रमकन जमकन पियप्यारीकी,
किंकिणी शब्द सुहाये ।
चतुर्भुजप्रभु गिरिधरनलाल संग,
मानिनी मंगल गाये ॥४॥

लालन तो हो झूलो जो तुम

लालन तो हो झूलो जो तुम,
हौले हौले झूलावो।
डरपत हो घनश्याम मनोहर,
अपने कंठ लगायो॥१॥

हो उतरो तुम, झूलो मेरे मोहन,
जैसे जैसे गाँउ, तैसे तैसे गाओ।
रसिकप्रीतम पिय यह बिनती,
तनकी तपत बुजाओ॥२॥

पवित्रा पहरे परमानंद

पवित्रा पहरे परमानंद।
श्रावन सुदी एकादशी के दिन,
गिरिधर परमानंद॥१॥

श्री वृषभाननंदिनी निजकर,
ग्रथित विविध पटभांत।
ता मध्य सुभग सुवर्ण सुत्रसो,
पोई नवमती जात॥२॥

पवित्रा पहरे हिंडोरे जुलत,
दोउ आनंद कंद।
जमुना पुलिनमें कुंज मनोहर,
गावत परमानंद॥३॥

झूलत तेरे नयन हिंडोरे

झूलत तेरे नयन हिंडोरे,झूलत तेरे नयन हिंडोरे ।
श्रवण खंभ, भ्रुभई मयार, दृष्टि करण, डांडी चहूँ ओरें ।। 1 ।।

पटली अधर, कपोल सिंहासन, बैठें युगल रूप रति जोरें ।
कचघन आड़, दामिनी दमकत मानों, इन्द्रधनुष अनुहोरें ।। 2 ।।

दूर देखत, अलकावललि अलिकुल, लेत सुगंधन, पवन झकोरें ।
बरणी चमर, ढूरत चहूँ दिशतें, लर लटकन, फूंदना चितचोरें ।। 3 ।।

थकित भये, मंडल युवतिनके, युग ताटंक लाज, मुख मोरें ।
रसिकप्रितम, रसभावसों झूलावत, रिमझिम रिमझिम, डारत तृण तोरें ।। 4 ।।

झूलत सुरंग हिंडोरें राधामोहन

झूलत सुरंग हिंडोरें राधामोहन ।
वरण वरण चूनरी पेहेरें, व्रजवधू चहूँ ओरें ।। 1 ।।
राग मल्हार अलापत सप्तसुरन, तीन ग्राम जोरें ।
मदनमोहनजूकी या छबि ऊपर, गोविंद बल तृण तोरें ।। 2 ।

हिन्डोरेमाई झूलन के दिन आये

हिन्डोरेमाई झूलन के दिन आये ।
गरजत गगन दामिनी कोंधत, राग मल्हार जमाये ।। १ ।।
कंचनखंभ सुढार बनाये, बीच बीच हीरा लाये ।
डांडी चार सुदेश सुहाईं, चौकी हेम जराये ।। २ ।।
नानाविधके कुसुम मनोहर, मोतिन झूमक छाये ।
मधुर मधुर ध्वनि वेणु बजावत, दादुर मोर जिवाये ।। ३ ।।
रमकन झमकन पियप्यारीकी, किंकिणी शब्द सुहाये ।
चतुर्भुज प्रभु गिरिधरनलाल संग, मानिनी मंगल गायें ।। ४ ।।

माई फूल को हिंडोरो बन्यो, फूल रही यमुना

माई फूल को हिंडोरो बन्यो, फूल रही यमुना ।
फूलन के खंभ दोऊ, डांडी चार फूलन की, फूलन बनी मयार फूल रहे विलना ॥१॥
तामें झूले नंदलाल सखी सब गावें ख्याल, बायें अंग राधा प्यारी फूल भयी मगना ।
फूले पशु पंछी सब, देख ताप कटे सब, फूले सब ग्वाल बाल मिटे दुःख द्वंदना॥२॥
फूले घन घटा घोर कोकिल करता रोर, छबि पर वार डारो कोटिक अनंगना।
फूले सब देव मुनि ब्रह्म करे वेद ध्वनि, नंददास फूले तहाँ, करे बहु रंगना॥३॥

झूलत गोकुल चंद हिंडोरे

झूलत गोकुल चंद हिंडोरे, झुलावत सब ब्रजनारी।
संग शोभित व्रषभान नंदिनी, पेहेरे कसूंभी सारी॥१॥
पचरंगी डोरी गुहि लीनी, डांडी सरस संवारी।
आसकरण प्रभु मोहन झूलत गिरि गोवरधन धारी ॥२॥

झूलत राधामोहन

झूलत राधामोहन, कालिंदी के कूल।
सघन लता सुहावनी, चहुंदिश फूलें फूल ॥१॥
सखी जुरी चहुँदिश तें, कमल नयन की ओर।
बोलत वचन अमृतमय, नंददास चित्तचोर॥२॥

सेन कामकी लायो,सो सावन आयो

सेन कामकी लायो,सो सावन आयो।

चल सखी झूलिये सुरंग हिंडोरे, कीजे श्याम मन भायो॥१॥

हाव भाव के खंभ मनोहर, कचघन गगन सुहायो।

काम नृपति वृषभान नंदिनी, रसिक रायवर पायो॥२॥