मोहिं सों निठुराई ठानी ही

मोहिं सों निठुराई ठानी ही, मोहन प्यारे काहे कों आवन कह्यों, सांचे हो जू सांचे ।
प्रीत के बचन वाचे, बिरहानल आंचे, अपनी गरज को तुम, इक पाई नाँचे ।। 1 ।।

भले हो जू जानें लाल, अरगजा भींनी माल, केसरि तिलक भाल, मेंन मंत्र काचें ।
निसि के चिन्ह चिन्हे, सूर स्याम रति भींने, ताहि के सिधारौ पिय, जाके रंग राचे ।। 2 ।।

જમુના કે તીર રી નંદલાલ બજાઇ બાઁસુરી

જમુના કે તીર રી નંદલાલ બજાઇ બાઁસુરી !

અધર - કરન મિલિ સપ્ત સુરનસોં ઉપજત રાગ રસાલરી !!1!!

છુટી લટ લપટાત બદન પર ટુટતી મુક્તામાલ રી !

વ્રજવનિતા ધુનિ સુનિ ઉઠી ધાઇ , રહિય ન અંગ સમ્હાલરી !!2!!

બહત ન નીર , સમીર ન ડોલત , વ્રુંદાબિપિન સંકેત રી !

સુનિ થાવર અચેત ચેત ભયે જંગમ ભયે અચેત રી !!3!!

અફલ ફલે ફુલ ફુલ ભયે રી , ઝરે હરે ભયે પાત રી !

ઉમગી પ્રેમજલ ચલ્યો સિખરતે , ગર્યો ગિરિનકો ગાત રી !!4!!

તૃન ન ચરત હૈં મ્રુગામ્રુગીરી તાન પરત જબ કાન રી !

સુનત ગાન ગિરિ પર્યો ધરનિ પર મનોં લાગે બાન રી !!5!!

સુરભિ લાગ દિયો કેહરીકો , હસ્ત સ્ત્રવનકી ડારુ રી !

એક ભવન પુનિ અઢિ બૈઠે હૈ , નિરખત શ્રીમુખ ચારુ રી !!6!!

ખગ રસના રસ ચાખિ બદન પર બૈઠે નિમિષ ન મારિ રી !

ચાખત હી ફુલ પરે ચોંચતેં રહે જુ પંખ પસારિ રી !!7!!

સુર - નર દેવ - અસુર સબ મોહે છાયો વ્યોમ વિમાન રી !

ચત્રભુજદાસ કહે કૌન બસ યા મુરલીકી તાન રી !!8!!

नागरी नंदलाल संग रंग भरी राजें

नागरी नंदलाल संग रंग भरी राजें ॥
श्याम अंस बाहु दिये कुंवरि पुलक पुलक हिये मंद मंद हसन प्रियें कोटि काम लाजें॥१॥
तरुतमाल श्यामलाल लपटी अंग अंग वेलि निरख सखी छबि सुकेलि नूपुर कल बाजें ॥
दामोदर हित सुदेश शोभित सुंदर सुवेश नवल कुंज भ्रमर पुंज कोकिल कल गाजें ॥२॥

श्रीनाथ जी को ध्यान मेरे निशदिनारी माई

श्रीनाथ जी को ध्यान मेरे निशदिनारी माई । मेरे मन के मेहेल प्रीतिकुंज जामे जादोराई ।
शामरे बरन कोमल चरन नख देखे चकचोंधी होत, पायन उपर पेंजनी सो विविध जो बनाई ॥१॥
दाहिने पद पद्‌म आली ताते पग टेढो धरत ऐसे चरण सुख करण है सदा दुखदाई ॥
वनमाल मुक्तामाल, कंठ बनी कौस्तुभमणि, पीतांबर की चटक तामे दामिनी छबी छाई ॥२॥
बाजूबंद मुद्रिका बनी नगकी अति चमत्कार अरुण अधर मुरली मधुरेसुर वजाई ॥
कमल नयन कुंडल कांति ग्रीवा प्रतिबिंब होत, आनंद भर्यो मुखारविंद रह्यो मुसकाई ॥३॥
मोरमुकुट लटकचटक घूंघरवारे अलकझलक , किये चंदनखोर डगमगी चाल सुंदरताई ।
कहि भगवान हित रामरायप्रभु निरख भयो बिहाल श्रीगुपाल रसना रटलाई ॥४॥

प्रात समय नवकुंज महल में श्री राधा और नंदकिशोर

प्रात समय नवकुंज महल में श्री राधा और नंदकिशोर ॥
दक्षिणकर मुक्ता श्यामा के तजत हंस अरु चिगत चकोर ॥१॥
तापर एक अधिक छबि उपजत ऊपर भ्रमर करत घनघोर ॥
सूरदास प्रभु अति सकुचाने रविशशि प्रकटत एकहि ठोर ॥२॥