ફૂલના હિંડોળાનું પદ

ફૂલનકો હિંડોરો ફૂલનકી ડોરી, ફૂલે નંદલાલ ફૂલી નવલકિશોરી;
ફૂલનકે ખંભ દોઉ ડાંડી ફૂલનકી, પટુલી બૈઠે દોઉ એક જોરી (૧)

ફૂલે સઘન વન ફૂલે નવકુંજન, ફૂલી ફૂલી યમુના ચઢત હિલોરી;
ચતુર્ભુજ પ્રભુ ફૂલે નિપટ કાલિંદી કૂલે, ફૂલી ભામિની દેત અકોરી (૨)

ભાવાર્થઃ

યુગલ સ્વરૂપ ફૂલના હિંડોળામાં ઝૂલે છે. સખીઓ ઝૂલાવે છે. હિંડોળો ફૂલોથી સુંદર રીતે સજાવ્યો છે. ઝુલાવવા માટેની દોરી પણ ફૂલોથી ગૂંથી છે.

હિંડોળામાં બિરાજમાન નંદલાલ શ્રીકૃષ્ણ અને નવલ કિશોરી રાધા બંને ફૂલ્યાં સમાતા નથી. પ્રસન્નતાથી ઝૂલી રહ્યાં છે. હિંડોળાના બે ખંભ અને ચાર દાંડી ઉપર ફૂલપાનથી વેલની સુંદર ભાત પાડી છે. વચ્ચે પટુલી ઉપર યુગલ સ્વરૂપ બિરાજે છે અને એકબીજા સાથે ઝૂલવાનો આનંદ લઈ રહ્યાં છે.

વર્ષાઋતુના મનભાવન દિવસો છે. ચોમેર સઘન વન પુષ્પોથી મહેકી રહ્યાં છે. નવીન કુંજોમાં સુગંધિત પુષ્પો ખીલી રહ્યાં છે. પ્રભુને આવા સુંદર, સુગંધયુક્ત વાતાવરણમાં શ્રીયમુનાજીના કિનારે ફૂલહિંડોળામાં સખીઓ ઝૂલાવી રહી છે ત્યારે શ્રીયમુનાજી પણ જાણે પ્રભુનાં દર્શન કરવા માટે આનંદપૂર્વક હિલોળા લઈને ઉપર ચઢી રહ્યાં છે.

યમુનાજીના કિનારે આ હિંડોળાની નજીક ઊભા રહીને દર્શન કરી રહેલ ચતુર્ભુજદાસજી કહે છે કે નંદનંદન શ્રીઠાકોરજી અને ભામિની રાધા બંને જણ આનંદપૂર્વક કિલકારી કરતાં હિંડોળે ઝૂલે છે ત્યારે એ દર્શનનો આનંદ હું પણ લઈ રહ્યો છું.

ચતુર્ભુજદાસજી આ કીર્તનમાં પ્રભુની હિંડોળા લીલાનું વર્ણન કરી આપણને પણ હિંડોળે ઝૂલતાં યુગલ સ્વરૂપનાં દર્શન કરાવી રહ્યા છે. વર્ષાઋતુના આહ​લાદક દિવસોમાં આપણા પ્રભુને આપણે ફૂલોથી સજાવેલા હિંડોળામાં ઝૂલાવીએ અને ઝૂલાવવાનો, કીર્તન ગાવાનો તેમજ દર્શન કરવાનો આનંદ લઈએ.

जुलन के दीन आये

जुलन के दीन आये,
हिंडोरे माई जूलन के दीन आये।
गरजत गगन, दामिनी कोंधत,
राग मल्हार जमाये ॥१॥

कंचन खंभ सुढार बनाए,
बीचबीच हीरा लाए ।
डांडी चार सुदेश सुहाई,
चोकी हेम जराये ॥२॥

नाना विधिके कुसुम मनोहर,
मोतीन जुमक छाए ।
मधुर मधुर ध्वनि वेणु बजावत,
दादुर मोर जिवाये ॥३॥

रमकन जमकन पियप्यारीकी,
किंकिणी शब्द सुहाये ।
चतुर्भुजप्रभु गिरिधरनलाल संग,
मानिनी मंगल गाये ॥४॥

ઘૌરી ઘૂમર કારી કાજર...

ઘૌરી ઘૂમર કારી કાજર પિયરી પીયર કહી કહી ટેરત |

વામ ભુજા મુરલી કર લીને દચ્છીન કર પીતાંબર ફેરત || ૧ ||

દુરિ  નાગર   નટ   કાલિંદી  તટ  લકૂટ લિયે   કર  ગાવત  ફેરત |

હુંક હુંક એક બાર ગજ સપ્ત ધાઈ 'ચત્રભુજ' પ્રભુ ગિરિધારી હંસિ  ટેરત || ૨ || 

बात हिलग की कासों कहिये...

बात हिलग की कासों कहिये |
सुनरी सखी व्यथा यातनकी समझ समझ मन चुप कर रहिये || १  ||
मरमी  विना  मरम को  जानें  यह  उपहास  जान  जग सहिये |
चतुर्भुज  प्रभु   गिरिधरन  मिलें  जब  तब  ही  सब  सुख  पैये || २  ||

श्यामसों नेह कबहू न कीजे

श्यामसों नेह कबहू न कीजे |
मन श्याम तन श्याम श्याम ही सलोने टेढ़ी प्रीत करे तन छीजे || १  ||
श्याम पाग सिर छबि सों  सांवरेकी आली सर्वस अपनों दीजे |
चतुर्भुज प्रभु गिरिधर सों हिलमिल अधर सुधारस पीजे || २  ||

प्रीतम को कछु दोष नहीं री..

प्रीतम को   कछु    दोष    नहीं   री,    आयो   सीत   बेरी   हमारो |
प्रीतम को मग जोवन कारन राखन नहीं देत वदन उधारो  सखी || १  || आयो...
सीतल  पवन  अकेली   जान कें  पठवत  आलस  करन   संभारो |
व्रत को   तजि   आकृत  निंद्रा  सों   मिली  ठगति  ठगारो  सखी || २  || आयो...
कहूँगी   जाए    जनाए    आज    मिले    मोसो    प्रीतम    प्यारो |
चतुरभुज  प्रभु  नेह   द्रोही    जाड़ा कों   कीजे  मुँह   कारो   सखी || ३  || आयो...

भोर ही डगमगत जीत मन्मथ चले

भोर ही डगमगत जीत मन्मथ चले ।

सकल रजनी जगे नेक नहीं पल लगे अरुण आलस वलित नयन लागत भले ।। १ ।।
कितव नागर नट चिन्ह प्रकटित करत वसन आभूषण सूरत रण दलमले ।
चतुर्भुज दास प्रभु गिरिधरन छबि बाढ़ी अधर काजर कुमकुम अंगअंग  रले ।। २ ।।

लन की मंडली मनोहर...

फूलन की   मंडली   मनोहर   बैठे  जहां  रसिक  पिय  प्यारी ।
फूलन के बागे और भूषण फूलन के फूलनही की पाग संवारी ।। १ ।।
ढिंग  फूली  वृषभाननंदिनी     तैसी  ये  फूल  रही  उजियारी ।
फूलन  के   झूमका   झरोखा   बहु  फूलन की   रची   अटारी ।। २ ।।
फूले सखा चकोर निहारत   बिच  चंद   मिल  किरण संवारी ।
चतुर्भुजदास   मुदित   सहचारी   फूले   लाल   गोवर्धनधारी ।। ३ ।।

कुसुम कुंज मधि करत सिंगार

कुसुम  कुंज  मधि  करत  सिंगार ।

प्यारी    पिय हीं    फुलेल    लगावत,   कोमल    कर   सुरजावत वार ।। 1 ।।

चंदन  घसि  अंग  मज्जन  कीनो,    यमुना    जल   झरी   कर धार  ।

न्हाय  बहिरी  अंग  पोंछि  स्वच्छ कर,  सरस  बसन  पहरावत  हार ।। 2 ।।

पीत  पिछोरी  बांधि  फेंट  कसि,   तापर   कटि  किंकिनी  झनकार  ।

फेंटा  पीत   शीश  बांध्यो  कटि,  दुहु  दिश  अलक  लटकि  घुघरार   ।। 3 ।।

दोउ  चरन  नूपुर    धुन    बाजत,   कंठ    पदक    सुज    मुक्ताहार ।

बाजु  बंध   जटित   हथ   पोंची,    पुष्पमाल    पहरें    करि    प्यार  ।। 4 ।।

पुष्पगुच्छ     पर    मोर   चंद्रिका,    ले    दर्पन    देखत    रिझवार  ।

चतुर्भुजदास  श्याम  मुख  निरखत, तन  मन  धन  कीनो  बलिहार  ।। 5 ।। 

मेरे तन की तपत बुझाई

मेरे तन की तपत बुझाई  ।
बीदा भई ग्रीषम   ऋतु   आली   अब    बरखा    ऋतु   आई  ।। 1 ।।
जब  मेरे   गृह  आवेंगे   गिरिधर  तब हों  नीके  करूंगी  बधाई  ।
नाना     विध के   साज    सिंगारौं     बिरहनी    पीर    मिटाई  ।। 2 ।।
शुभ  मंगल आज  कुंज  भवन में  पोहोप सुवास सुगंध  छवाई  ।
'चतुर्भुज'  प्रभु   मेरे   भवन में   पधारो   वासों   तन  विसराई  ।। 3 ।।

श्री गोवर्धनवासी सांवरे लाल

श्री गोवर्धनवासी सांवरे लाल तुम बिन रह्यो न जाये ।
हों ब्रजराज लडे तें लाडिले ॥
बंकचिते मुसकाय के लाल सुंदर वदन दिखाय ।
लोचन तलफें मीन ज्यों लाल पलछिन कल्प विहाय ॥१॥
सप्तक स्वर बंधान सों लाल मोहन वेणु बजाय ।
सुरत सुहाई बांधि के लाल मधुरे मधुर गाय ॥२॥
रसिक रसिक रसीली बोलनी लाल गिरि चढ गैया बुलाय ।
गांग बुलाई धूमरी लाल ऊंची टेर सुनाय ॥३॥
दृष्टि परी जा दिवस तें लाल तबतें रुचे नही आन ।
रजनी नींद न आवही मोहि विसर्यो भोजन पान ॥४॥
दरसन को नयना तपें लाल वचनन को सुन कान ।
मिलवे को हियरा तपे मेरे जिय के जीवन प्रान ॥५॥
मन अभिलाखा व्हे रही लाल लागत नयन निमेष ।
इक टक देखु आवते प्यारो नागर नटवर भेष ॥६॥
पूरण शशि मुख देख के लाल चित चोट्यो वाहि ओर ।
रूप सुधारस पान के लाल सादर कुमुद चकोर ॥७॥
लोक लाज कुळ वेद की छांड्यो सकल विवेक ।
लहल कली रवि ज्यों बढे लाल छिन छिन प्रति विशेष ॥८॥
मन्मथ कोटिक वारने लाल निरखत डगमगी चाल ।
युवति जन मन फंदना लाल अंबुज नयन विशाल ॥९॥
यह रट लागी लाडिये लाल जैसे चातक मोर ।
प्रेमनीर वरखा करो लाल नव घन नंद किशोर ॥१०॥
कुंज भवन क्रीडा करो लाल सुखनिधि मदन गोपाल ।
हम श्री वृंदावन मालती तुम भोगी भ्रमर भूपाल ॥११॥
युग युग अविचल राखिये लाल यह सुख शैल निवास ।
श्री गोवर्धनधर रूप पर बलिहारी चतुर्भुज दास ॥१२॥

જમુના કે તીર રી નંદલાલ બજાઇ બાઁસુરી

જમુના કે તીર રી નંદલાલ બજાઇ બાઁસુરી !

અધર - કરન મિલિ સપ્ત સુરનસોં ઉપજત રાગ રસાલરી !!1!!

છુટી લટ લપટાત બદન પર ટુટતી મુક્તામાલ રી !

વ્રજવનિતા ધુનિ સુનિ ઉઠી ધાઇ , રહિય ન અંગ સમ્હાલરી !!2!!

બહત ન નીર , સમીર ન ડોલત , વ્રુંદાબિપિન સંકેત રી !

સુનિ થાવર અચેત ચેત ભયે જંગમ ભયે અચેત રી !!3!!

અફલ ફલે ફુલ ફુલ ભયે રી , ઝરે હરે ભયે પાત રી !

ઉમગી પ્રેમજલ ચલ્યો સિખરતે , ગર્યો ગિરિનકો ગાત રી !!4!!

તૃન ન ચરત હૈં મ્રુગામ્રુગીરી તાન પરત જબ કાન રી !

સુનત ગાન ગિરિ પર્યો ધરનિ પર મનોં લાગે બાન રી !!5!!

સુરભિ લાગ દિયો કેહરીકો , હસ્ત સ્ત્રવનકી ડારુ રી !

એક ભવન પુનિ અઢિ બૈઠે હૈ , નિરખત શ્રીમુખ ચારુ રી !!6!!

ખગ રસના રસ ચાખિ બદન પર બૈઠે નિમિષ ન મારિ રી !

ચાખત હી ફુલ પરે ચોંચતેં રહે જુ પંખ પસારિ રી !!7!!

સુર - નર દેવ - અસુર સબ મોહે છાયો વ્યોમ વિમાન રી !

ચત્રભુજદાસ કહે કૌન બસ યા મુરલીકી તાન રી !!8!!

गोविंद लीजै छाक तिहारी

गोविंद लीजै छाक तिहारी ।
भई बड़ी बेर, बैठी मग चितवत, रसना टेरत हारी ।। 1 ।।
बहु बिंजन पकवान मिठाई, तुम लायक रुचिकारी ।
कीनी भली तुम, आई गोपीजन, भूख लगी अति भारी ।। 2 ।।
जमुना तीर कदमकी छैया, मंडल रचना कीनी ।
चत्रभुज प्रभु, गिरिधरन लाल तब, छाक बाँट सब लीनी ।। 3 ।।

हिन्डोरेमाई झूलन के दिन आये

हिन्डोरेमाई झूलन के दिन आये ।
गरजत गगन दामिनी कोंधत, राग मल्हार जमाये ।। १ ।।
कंचनखंभ सुढार बनाये, बीच बीच हीरा लाये ।
डांडी चार सुदेश सुहाईं, चौकी हेम जराये ।। २ ।।
नानाविधके कुसुम मनोहर, मोतिन झूमक छाये ।
मधुर मधुर ध्वनि वेणु बजावत, दादुर मोर जिवाये ।। ३ ।।
रमकन झमकन पियप्यारीकी, किंकिणी शब्द सुहाये ।
चतुर्भुज प्रभु गिरिधरनलाल संग, मानिनी मंगल गायें ।। ४ ।।

१३ - चित्त में श्री यमुना, निशिदिन जु राखो

चित्त में श्री यमुना, निशिदिन जु राखो ।
भक्त के वश कृपा करत हें सर्वदा ऐसो श्री यमुना जी को हे जु साखो ॥१॥
जा मुख ते श्री यमुने यह नाम आवे, संग कीजे अब जाय ताको ।
चतुर्भुज दास अब कहत हैं सबन सों, तातें श्री यमुने यमुने जु भाखो ॥२॥

Chitmein ShriYamuna nishdhin jo rakho 
Bhakt ke vash kripa karat hain sarvada, aiso ShriYamunaji ko hainju saakho.
Ja mukhte ShriYamune yeh naam aawhe, sadak kije ab jaye taake,
Chaturbujdas ab kahat hain sabanso, taate ShriYamune-Yamune ju chakho.

१४ - प्राणपति विहरत श्री यमुना कूले

प्राणपति विहरत श्री यमुना कूले ।
लुब्ध मकरंद के भ्रमर ज्यों बस भये, देखि रवि उदय मानो कमल फूले ॥१॥
करत गुंजार मुरली जु ले सांवरो, सुनत ब्रजवधू तन सुधि जु भूले ।
चतुर्भुज दास श्री यमुने प्रेमसिंधु में लाल गिरिधरनवर हरखि झूले ॥२॥

Pranpati viharat Shri Yamuna kule 
Lubdh makarand ke bhramar jiyo bas baye, dekhi ravi uday mano kamal fule.
Karat gunjaar  murli ju le Savaro, sunat Brijvadu tan sudi tan sudhi ju bhule,
Chaturbujdas ShriYamune premsindumein, LalGiridharanvar ab harki jule.

रत्न जटित कनक थाल मध्य सोहे दीप माल

रत्न जटित कनक थाल मध्य सोहे दीप माल अगर आदि चंदन सों अति सुगंध मिलाई ॥
घनन घनन घंटा घोर झनन झनन झालर झकोर ततथेई ततथेई बोले सब ब्रज की नारी सुहाई ॥१॥
तनन तनन तान मान राग रंग स्वर बंधान गोपी सब गावत हैं मंगल बधाई॥
चतुर्भुज गिरिधरन लाल आरती बनी रसाल तनमनधन वारत हैं जसोमति नंदराई ॥२॥

गोवर्धन गिरिसघनकंदरा रैन

गोवर्धन गिरिसघनकंदरा रैन निवास कियो पिय प्यारी ॥
उठ चले भोर सुरत रस भीने नंदनंदन वृषभान दुलारी ॥१॥
इत विगलित कच माल मरगजी अटपटे भूषण रागमणी सारी ॥
उतहि अधरमिस पाग रहिथस दुहूदिश छबि बाढी अति भारी ॥२॥
घूमत आवत रति रणजीते करिणिसंग गजवर गिरिवरधारी ॥
चतुर्भुजदास निरख दंपतिसुख तनमनधन कीनो बलिहारी ॥३॥

भोर भये जसोदा जू बोलैं जागो मेरे गिरिधर लाल

भोर भये जसोदा जू बोलैं जागो मेरे गिरिधर लाल।
रतन जटित सिंहासन बैठो, देखन कों आई ब्रजबाल॥१॥
नियरैं आय सुपेती खैंचत, बहुर्यो ढांपत हरि वदन रसाल।
दूध दही माखन बहु मेवा, भामिनी भरि भरि लाई थाल॥२॥
तब हरखित उठि गादी बैठे, करत कलेऊ, तिलक दे भाल।
दै बीरा आरती उतारत,’चत्रभुज’ गावें गीत रसाल॥३॥

रावल के कहे गोप

रावल के कहे गोप आज व्रजधुनि ओप कान देदे सुनों बाजे गोकुल मंदिलरा।
जसोदा के पुत्र भयो वृषभानजूसो कह्यो गोपी ग्वाल ले ले धाये दूध दधि गगरा॥१॥
आगे गोपवृंद वर पाछे त्रिया मनोहर चलि न सकत कोऊ पावत न डगरा।
चतुर्भुज प्रभु गिरिधर को जनम सुनि फूल्यो फूल्यो फिरत हे नादे जेसें भंवरा॥२॥