छोटोसो कन्हैया एक, मुरली मधुर छोटी

छोटोसो कन्हैया एक, मुरली मधुर छोटी,
छोटे छोटे ग्वाल बाल छोटी पाघ सिरकी।
छोटेसे कुंडल कान, मुनीन के छूटे ध्यान,
छूटे पट छूटी लट अलकनकी॥१॥

छोटीसी लकुट हाथ,
छोटे दास बच्छ लिए साथ,
छोटेसे बनेरी कान्ह,
गोपी देखन आई घरघरकी।
नंददास प्रभु छोटे, भेदभाव मोटे मोटे,
खायो है माखन शोभा देखो ये बदन की॥२॥

ઘૌરી ઘૂમર કારી કાજર...

ઘૌરી ઘૂમર કારી કાજર પિયરી પીયર કહી કહી ટેરત |

વામ ભુજા મુરલી કર લીને દચ્છીન કર પીતાંબર ફેરત || ૧ ||

દુરિ  નાગર   નટ   કાલિંદી  તટ  લકૂટ લિયે   કર  ગાવત  ફેરત |

હુંક હુંક એક બાર ગજ સપ્ત ધાઈ 'ચત્રભુજ' પ્રભુ ગિરિધારી હંસિ  ટેરત || ૨ || 

कानन दै अँगुरी रहिबो..

कानन दै अँगुरी  रहिबो,   जब हीं  मुरली-धुनि  मन्द  बजै  है ;
मोहिनी-तानन सों रसखानि, अटा  चढ़ी गोधन गैहै  तौ  गैहै ।
टेरी कहौं सिगरे ब्रज-लोगनि, काल्हि कोऊ कितनो  समुझै है ;
माई री, वा मुख की मुसुकानि, सँभारी न जैहै न जैहै  न  जैहै ।।