वन्दों अवधश्री वन्दों गोकुलश्री ...

वन्दों अवधश्री गोकुल गाम ।
ईते   राजत   जानकी  वर,   उतें   श्यामा   श्याम ।। १ ।।
ईते   सरयू   वहत   निरमल,   उते   यमुना   नीर ।
हरत कलि विष  युगल   मूरत,  जान जनकी पीर ।। २ ।।
ईते   शवरी      स्वर्ग     दीनों,     चित्रकूट    बनाई ।
उते  कुब्जा  रूप  दीनों,   चंदन  चारू   घिस   लाई ।। ३ ।।
ईते      खेवत     सखा-तारे,     बेठिकें       रघुराई ।
उते    कर   नख   भूप   तारे,   कर   गहे   यदुराई ।। ४ ।।
ईते  शारंगपाणि   सोहे,   ललित   लछमन   धीर ।
उते   मुरली,   कर   बीराजे,   हल   गहें   बलवीर ।। ५ ।।
ईते गौतम घरनि की गति,  कीनी   राम   सुजान ।
उते  द्रौपदी  लाज  राखी,   द्वारका   पति   कान्ह ।। ६ ।।
धीर  सागर   राम   मूरत,    करे    गीध    निहाल ।
उते    गज    वैकुंठ   पठ्यो,     दोरिकें     नंदलाल ।। ७ ।।
कबहु बाबा   नंद  के   घर,   जात   माखन   खात ।
तनक भोजन करो विलमो, कहत कौशल्या मात ।। ८ ।।
भक्त हेत  अवतार   लीनें,   धरी   दोऊ   अवतार ।
दास   तुलसी   शरण  आये,   कोऊ    उतारे   पार ।। ९ ।।