नन्द को मनवांछित दिन आयो.

नन्द को  मनवांछित  दिन  आयो  ।
फुली  फिरत   यशोदा   रोहिनी,   उर   आनंद  न  समायो  ।। 1 ।।
गाम   गामतें    जाति   बुलाई,    मोतिन   चोक   पुरायो  ।
व्रजवनिता  सब  मंगल   गावत,   बाजत   घोष   बधायो  ।। 2 ।।

प्रथम  रात्रि  यमुनाजल  घट  भरि,   अधिवासन  करवायो  ।
उठि  प्रभात  कंचन  चोकी  धरि,   तापर   लाल    बेठायो  ।। 3 ।।
राज    बेठ    अभिषेक    करत   हें,   विप्रन   वेद  पढ़ायो  ।
जेष्ठ  शुक्ल  पून्यो  दिन  सुरबधु, हरखि  फूल  वरखायो  ।। 4 ।।
रंगी      कोर     धोती   उपरेना,    आभूषण    सब    साज ।
द्वारकेश   आनंद   भयो  प्रभु,     नाम     धर्यो   व्रजराज ।। 5 ।।