नन्द को मनवांछित दिन आयो ।
फुली फिरत यशोदा रोहिनी, उर आनंद न समायो ।। 1 ।।
गाम गामतें जाति बुलाई, मोतिन चोक पुरायो ।
व्रजवनिता सब मंगल गावत, बाजत घोष बधायो ।। 2 ।।
फुली फिरत यशोदा रोहिनी, उर आनंद न समायो ।। 1 ।।
गाम गामतें जाति बुलाई, मोतिन चोक पुरायो ।
व्रजवनिता सब मंगल गावत, बाजत घोष बधायो ।। 2 ।।
प्रथम रात्रि यमुनाजल घट भरि, अधिवासन करवायो ।
उठि प्रभात कंचन चोकी धरि, तापर लाल बेठायो ।। 3 ।।
राज बेठ अभिषेक करत हें, विप्रन वेद पढ़ायो ।
जेष्ठ शुक्ल पून्यो दिन सुरबधु, हरखि फूल वरखायो ।। 4 ।।
रंगी कोर धोती उपरेना, आभूषण सब साज ।
द्वारकेश आनंद भयो प्रभु, नाम धर्यो व्रजराज ।। 5 ।।
उठि प्रभात कंचन चोकी धरि, तापर लाल बेठायो ।। 3 ।।
राज बेठ अभिषेक करत हें, विप्रन वेद पढ़ायो ।
जेष्ठ शुक्ल पून्यो दिन सुरबधु, हरखि फूल वरखायो ।। 4 ।।
रंगी कोर धोती उपरेना, आभूषण सब साज ।
द्वारकेश आनंद भयो प्रभु, नाम धर्यो व्रजराज ।। 5 ।।
No comments:
Post a Comment