आज मोही आगम अगम जनायो

आज  मोही  आगम  अगम  जनायो  ।

सोंधों   छानी   अरगजा   चंदन,   आंगन   भवन   लीपायों  ।। 1 ।।

आगम  आवन  जान प्रीतम  कों , गोपीजन  मंगल  गायो  ।

आनंद  उर  न   समाय  सखी, नव  साजि  सिंगार   बनायो  ।। 2 ।।

तन   सुख    पाग   पिछोरा  झीनो,   केसर    रंग   रंगायो  । 

मुक्ता  के   आभूषन    गुही  मनी,    पहिरावत   हुलसायो  ।। 3 ।।

पंखा  बहु   सिर   प्रीतम कों,   नित    राखुंगी    छिरकायों  ।

ग्रीषम  ऋतू  सुख  देती नाईक,   यह   औसर  चली  आयों  ।। 4 ।।

आवेंगे  महेमान   आज   हरि,    भाग्य   बड़े   दिन   पायों  ।

'कुंभनदास'  नव   नेह   नई  ऋतू,  आगम  सुजस  सुनायों  ।। 5 ।।